Category: общество

Category was added automatically. Read all entries about "общество".

90 иесэ а вечки аштеме тевтеме

Декабрянь 6-це чистэ Орданьбуень Орозбие велень эрицясь Екатерина Ивановна Маторкина тешкстынзе 90 иензэ. Те чистэнть сонзэ кудос пурнавкшность малавиксэнзэ, конат ёвтасть аваст ды бабаст туртов лембе валт. Совсесть велень администрациясто ды казсть РФ-нь Президентэнть В.В.Путинэнь ды Орданьбуе ёнксонь прявтонть А.Н.Антиповонь пельде паронь арсемат.

Катя баба а вечки ледстнеме эйкакшпингедензэ. Сон рана кадовсь урозокс. Колмо иеть ульнесть тензэ, кода кулось одсто Наста авазо. Кавто иень ютазь Иван тетязо урьвакстсь омбоцеде. Чачсь сазорказо. Кавтошка иеть эрясть, ды тетяськак апак учне тусь эрямосто… Александра од авась кармась ськамонзо трямо кавто тейтернетнень. Сеедьстэ Катянь эйсэ трясть-вансть Кеченьбие шабра велесэ, костонь ульнесь тиринь авазо. Тосо эрясь васолбодязо, конань ульнесть кавксо эйкакшонзо. Истя, аванзо сазортнэ, васолпатятне трясть Катянь.

Collapse )

СВАЛ БАЖИ ЛЕЗДАМС ЛИЯНЕНЬ

Улить ютксонок ломанть, конат дивавтыть эсь маштомачисэст. Пазось казинзе сынст эрьва кодамо ёрокчисэ. Саемга, течинь инженек – Юлия Демяшкина. Сон сёрмады стихть, машты стамо, сёрмады проектт, важоди эйкакштнень марто. Ды кона шкане кенери весементь топавтомо? Аволь сэрей, чова рунго, мазый, теке няка. Эйкакшонь лагерьсэ улемстэ а сеске чарькодят, Юля – сынст вожатоест, маряви, истямо жо эйкакш, кона сась оймсеме. Эйдетне эйсэнзэ кунсолыть ды вечкить.
8.jpg

Collapse )

«КУЛДОР-КАЛДОРОСЬ» СИВИНЬСЭЛЬ

Сентябрянь 4-це чистэ Краснослободск ёнксонь «Сивинь» лагерьсэ ютась финнэнь-угрань пейдемань ды юморонь «Кулдор-Калдор» регионъютконь фестивалесь. Меельцеде сон ульнесь 2011 иестэ. Полавтовсь ютавтома таркась, икеле эрсесь Кочкурбуень Вирь ало Тавласо, В.Ромашкинэнь этно-кудосонть. «Кулдор-Калдоров» сакшность Комистэ, Удмуртиясто, Марий Элстэ, Татарстансто, Самара, Пенза ёнкссто ды Казахстансто. Седе ламо, содазь, ульнесть Мордовиясто.
DSC00769.JPG

Collapse )

«Эрзянь лисьмапрясь» Лукояновасоль

Июлень 18-це чистэ Нижней ёнксонь Лукояновабуесэ ютась «Эрзянь лисьмапря» Регионъютконь раськень культурань фестиваль. Тедеде сон мольсь ветецеде. Кенярксчинть ютавтыцянзо: Нижней ёнксонь внутренней, региональной ды муниципальной политикань министерствась, «Ялгат» эрзя-мокшонь общественной вейсэндявксось, Лукоянова райононь администрациясь, Эрзянь культурань музеесь. Фестиваленть ули паро тарказо – Од веленть вакссо лисьмапрянть маласо. Тесэ менель ало ули этнопарк, косо аштить эрьва кодат скульптурат.
Этнопарконть арсицязо – Николай Иванович Аношкин.


DSC00367.JPG

Collapse )

«ОД ВИЙ»-2015

Эрзянь ды мокшонь кельтнень чистэнть Саранскойсэ ютась «Од вий» эстрадань моронь Весероссиянь фестивалесь. Коень коряс эрзянь ды мокшонь эстрадань моронь пелькстамонть ютавтыть МР-нь Культурань ды туризмань министерствась, «РФ-нь Финнэнь-угрань раськетнень ассоциация» общественной движениясь ды Республикань раськень творчествань кудось. Тедеде конкурсось мольсь вейксэцеде. Морыцятне сакшность республикань районтнэстэ ды Пенза, Н.Новгород ёнкстнэстэ.

Collapse )

Лиссь «Эрзя-мокшонь свадьба» ине изданиясь

Ялгат!!! Ёвтан тенк пародояк паро куля! «Эрзя-мокшонь свадьба» ине изданиясь нолдазь одс. Илядо жаля ярмаконк, рамадо сонзэ. Тосо сермадозь минек весе историясь. Сермадозь эрзякс, вакссонзо ютавтозь рузокскак. Теде башка, максовить вадря артовкст)



Collapse )

Келей ки теть, «Ава» журнал!

Неть читнестэ А.С.Пушкин лемсэ Национальной библиотекасо ютась вастовома. Сон алтавсь «Ава» культурно-просветительской журналонь презентациянтень. Те журналонть арсицясь – «Литова» эрзянь авань вейсэндявксонь прявтось Раиса Борисовна Щанкина. Сон умок бажась топавтомс те меленть. Минек республикасо аватненень алтазь эрзянь эли мокшонь издания вейкеяк арасель. Саемга, удмурттнэ ды маритне истят журналт нолдыть.




Collapse )

«Коентень» сакшность сырнень кедть

Тедеде Вирь Тавласо морамонь фестивальденть башка, пурназель «Кой» чувтосто керсицятнень регионъютконь II-це фестиваль. Весе сынь ютасть В.Ромашкин лемсэ Этно-кудо музеенть вакссо. Чувтосто керсицятне аволь сеедьстэ понгонить вейс. Нурька шкань перть керсицятне анокстасть 12 важодемат.
Collapse )

Эрзят, садо «Торамось терди» фестивалев!

Таштамговонь 6-це чистэ Кочкурбуень Вирь ало Тавласо юты «Торамось терди» кезэрень эрзянь моронь IV-це фестиваль. Сон алтави содавикс фольклористэнть, «Торама» ансамблянь пурныцянть Владимир Ромашкинэнь (Йовлань Олонь) ледстнемга. Фестивалесь моли кавто иес весть. Васня ульнесь республикань, мейле сеске теевсь регионъютконь.
Тедеде тей морамо сыть республикань районтнэстэ, Пенза, Нижней, Ульяновск енкстнэстэ. М
оронь фестивальденть башка, таштамговонь 3-це чистэ тесэ жо ушодови «Кой» чувтосто керсицянь республикань II-це пелькстамось. Морыцятне ды чувтосто керсицятне вейсэ невтьсызь талантост, шкинемаст!

Кинь ули мелезэ самс «Торамось терди» фестивалев – садо, весе садо таштамговонь 6-це чистэ 8:30  чассто!
Программась:
1. Инжень вастома – 8.30-9.00
2. «Этно-кудова» экскурсия – 9.00-9.30
3. Республикань чувтосто керсемань II-це фестивалень чувтонь теевкстнэнь ванномась – 9.30
4. Фестивалень панжомась – 10.00-11.00
5. «Торама» фолк-группань морамось – 11.00-11.30
6. Эрзянь моронь морыцятнень концертэсь – 11.30-15.00
7. Чувтосто керсицятненень ды морыцятненень казнень максомась,  творчестваст коряс кортнемась. - 15.00-17.00
10. Эрзянь ярсамо ды симемапелень коесь – 17.00-19.00
11. Инжень ильтямось – 19.00-20.00

2011 иень фестиваленть панжомасто вишка видео:




Ды эштё вейке, В.Рауткин марто:

РОШТУВАНЬ КУДО

"Роштувань кудо" - те оймсемань чокшне, кона ютась якшамковонь 17-це чистэ Саранскоень Эрзянь-мокшонь национальной драматической театрасо. Пурныцясь - "Литова" эрзянь авань вейсэндявксось.
Те вастовомась - кода театрализованной невтема. Ульнесть роштовань колядамот, орожиямот, морот, киштемат, налксемат.


SNV84524

Collapse )