ИЦЯЛОНЬ ФИЛАРЕТ ЛЕЗДЫ ЭРЬВАНЕНЬ

Аволь умок Ицялбуесэ ютась кенярксчи. Тей пурнавкшность тёжадо ламо ломанть. Эрьва ие тесэ ледстнить Филарет чудотворецэнть, кона чачсь ды эрясь те ёнкссонть. Церьковасо, озномадо башка, юты покш крестной ход, сон ушодови Кемлясто ды пачкоди 8 вайгельбень трокс Крута Пандо посёлкас, се таркантень, косо эрясь иневаньксэсь. Цёрат ды ават, од ломанть, эйкакшт – весе ютыть вейсэ, кияк а пели кувака киденть. Ламот сакшныть ютамо эрьва ие. Сынь содыть, Филарет лезды эрьванень, кие тензэ пшкади.


Collapse )

«Сёрмадыцясь вешни ёвксонь мастор…»

Васенцеде Алина Подгорновань неия од сёрмадыцянь семинарсо. Сестэ сон тонавтнесь школасо. Е.Биушкинань марто Дубёнкань буестэ сынст ускокшнынзе эрзянь прозаикесь Л.П.Седойкин. Мейле эрьва ие карминек вастневеме литературань семинартнэсэ. Минь кода-бути сеске муинек вейкень-вейкень марто кель-вал ды теевинек ялгакс. Умок бажинь теемс мартонзо материал, ёвтнемс те од, мазый, превей тейтерденть, кона нолдась стихень кавто пусмот. Ды кода сондензэ а пачтямс? Алина лиссь «Иень поэт» Весероссиянь пелькстамонь финалс.
_MG_4393..JPG

Collapse )

НЕЙ МАШТТАНО ЭРЗЯНЬ КЕЛЬСЭ КОМИКСЭНЬ АРТОМО!

Аволь умок Мордовиясо ютась лия ёнов а молиця вастовома. Тесэ ютась «Живой язык» социальной арт-проектэсь, конань вельде важодсть финнэнь-угрань кельсэ комиксэнь артомань коряс мастер-класст. Сынст эйс тердевить ломанть, конат содасызь тиринь келест: тонавтыцят, газетань редакторт, библиотекань ды музеень важодицят, эйдень кужонь воспитательть.
«Живой язык» проектэнть арсизе Финляндиянь художникесь Санна Хукканен, сонензэ макссть грант. Истя тейтерь-авась кармась ардтнеме регионга ды тонавтомо комиксэнь артомо. Те тевсэнть тензэ лезды лия кельс ютавтыцясь Анна Воронкова (Москов ош). Финнэнь-угрань ёнкстнэсэ артозь комикстнэ невтевить эрьва кодамо выставкасо Россиясо ды Финляндиясо, нолдавить сборниксэ, открытка лангсо ды газетасо.
DSC03648.JPG
Collapse )

Эрзянь ривезесь яки интернетэнть келес

Людмила Селдушева эри Рузаевкасо. Сон вишка пингстэ саезь вечки артоманть. Яксесь тонавтнеме художественной школав. Прядсь Саранскоень кооперативной институт. Неень шкане декретсэ, чачсь омбоце тейтернезэ. Ютко шкасто од авась яви мель вечкевикс тевентень – артомантень. Аволь умок Людмила кармась артомо тюжа-ожо ривезть ды путнеме интернетс. Ломантне вастызь те меленть парсте, мельспаросо. Истя Людмила панжсь интернетсэ «Лис Мордовский» куро. https://vk.com/club151840551
Ды самай тосо сонзэ героесь – ривезесь, невтеви эрьва кодамо ёндо.
р3.jpg


Collapse )

СВАЛ БАЖИ ЛЕЗДАМС ЛИЯНЕНЬ

Улить ютксонок ломанть, конат дивавтыть эсь маштомачисэст. Пазось казинзе сынст эрьва кодамо ёрокчисэ. Саемга, течинь инженек – Юлия Демяшкина. Сон сёрмады стихть, машты стамо, сёрмады проектт, важоди эйкакштнень марто. Ды кона шкане кенери весементь топавтомо? Аволь сэрей, чова рунго, мазый, теке няка. Эйкакшонь лагерьсэ улемстэ а сеске чарькодят, Юля – сынст вожатоест, маряви, истямо жо эйкакш, кона сась оймсеме. Эйдетне эйсэнзэ кунсолыть ды вечкить.
8.jpg

Collapse )

Алкуксонь герой!

Аволь умок телевизорга малав весе каналтнэва ютась куля: Московсо од цёра идесь пожардо семия, кавто эйкакш марто ава. Кода свал, валске марто 4 чассто, Александр Несяев ушодызе важодеманзо, сон роботы шукшонь усксиця машинань ветницякс. Вейке кудо вакска ардомсто несь, кода васенце этажонь вальмастонть юты раужо качамо. Марявсть вайгельть, конат энялдсть лездамс, идемс пожардо. Вальмасонть ладязь решёткат, сынь кодаяк эзть таргаво. Александр сайсь кедезэнзэ лом, ансяк те эзь лезда. Сестэ цёранть превс сась саемс трос, конанть пензэ сюлмизе машинантень. Истя решёткась усковсь-сезевсь.

Несяев.jpgCollapse )

ПОЭЗИЯЗО ТАЛНОВТЫ ОЙМЕНТЬ

Мон содаса сонзэ аволь вейке ие. Мазый, превей, чевте седей. Бути ловномс стихензэ – сеске чарькодеви, кодамо те ломанесь. Видечинь вечкиця, эсь раськензэ кисэ мелявтыця-ризныця. Стихензэ смустень кандыцят, превс путыцят ды талновтыцят. Сынст ловномсто зярдояк а пупордят. Эрьва валось ашти эсь таркасо. Сынь шождат ды сеске саевить мельс-превс. Ловнат ды абунгалят, кодамо мазый эрзянь келенек. Кодат стихтне ды мезде? Эрямодо, вечкемадо, седе, мезе моли-тееви ломантнень оймесэ… Кода сынь чачнить? Теде ёвтни сонсь авторось, поэтессась Людмила Рябова. Теевтяно мартонзо содавиксэкс.
Люда Рябова.jpg
Collapse )

Нина Абросимова: «Актёронь профессиясь мельстуиця!»

МР-нь Заслуженной артисткась Нина Анатольевна Абросимова ламо иень перть важоди Эрзя-мокшонь раськень драмань театрасо. Сон чачсь Покш Игнатбуень Ташто Кшуманця велесэ. 1985 иестэ семиянек састь эрямо Саранскоев. Сынст семиясо ниле эйкакшт: колмо сазорт ды вейке ялакс. Нина уш вишкапингстэ содась: карми артисткакс. Сон лембестэ ледстни се шканть, зярдо ялганек явсть мель художественной самодеятельностентень. Школанть прядомадо мейле яксесь Профсоюзонь культурань дворецэв, косо тонавтнесь Г.П.Камынина, Л.М.Денисова, В.В.Долгов педагогтнень кедьсэ. Седе тов Нина тусь тонавтнеме Казанень Культурань государственной институтонь режиссурань ды актёронь мастерствань факультетэв.

Абросимова.jpg


Collapse )

ЭРЗЯНЬ МОРОТНЕНЬ УЛИ СЫ ШКАСТ!

Сонзэ моротнень кунсоломсто ёжось паролгады, морось кадови превсэ ды кельпрясо, мелеськак эйстэст а моли. Мекевланг, кунсоловлить эйсэст апак лотксе. Андрей Бочканов од морыцядонть карминь содамо мелят. Од ломанесь икеле эзь марсеве, апак учне косто-бути сась ды кецявтынзе весе кунсолыцятнень «Вай, кодамо» моросонть. Эряви меремс, тиринь кельсэ эстрадань морот неень шкане – тамашань тев. Сынь арасть. Од жанранть лангсо важоди самай сон – Андрей Бочканов, кона омбоце ие морси Мордовиянь государственной филармониясо. Течи содавттадызь тынк те лия ёнов а молиця, превей, ёроков од ломаненть марто.

Андрей Бочканов.jpgCollapse )

Мордовиясо улемась макссь тензэ вийть!

«Эрзянь правда» газетась аволь весть сёрмалесь Михаил Седойкиндэ, кона эри Хабаровской краень Комсомольск-на-Амуре ошсо. Эрзянь цёрадонть материалтнэ киньгак эзизь кадо мельтеме. Михаил – I-це группань инвалид, тень лангс апак вано, морси сцена лангсо. Те кизэстэнть Михаил Григорьевичень пельде сась нурька сёрма, косо сон пачтясь Мордовияв самодонзо ды тердсь вастовомо. Те кулясь кецявтымим. Содан, сон ламо иень перть арасель тиринь ёнкссо, пек бажась самс, ансяк тень теемс ульнесь аволь шожда: пек васоло килангось, ламо шка саи самолётсо ливтямось, стака ардомс минек китнева ды лия учреждениятнева инвалидэнь коляскасо. Ды вана мелесь топавтовсь!
28-07.jpg
Collapse )