matorchik (tolava) wrote,
matorchik
tolava

Category:

Кеврунго – Федор Видяевнень

Ноябрянь 3-це чистэ Самара енксонь Кошки велесэ ютасть торжественной мероприятият, конат алтавсть содавикс моряконть-подводникенть Федор Алексеевич Видяевень чачома чистэнзэ саезь 100 иетненень.

Кошкинской райононь культурань кудосо ютась промкс, панжовсть выставкат, конат алтавсть земляконть ледстнемга. Седе тов Изнямонть лемсэ парксонть панжозель Федор Видяевнень кеврунго. Сон теезь якстере гранитстэ ды сырнень буквасо сермадозь лемезэ… Кавто иеть Кошкинской райононь ломантне пурнасть ярмакт кеврунгонть анокстамс. Покш лезкс макссь Самара областень Правительствась.

Ф.А.Видяев чачсь 1912-це иень ноябрянь 7 чистэ Самара енксонь Кошкинской райононь Степная Шентала эрзянь велесэ. Ине Отечественной войнань шкасто служась Северной флотсо, ульнесь «Щ-421», «Щ-422» ведь алга уйниця венчтнень командирэкс. Казезь Якстере Знамянь колмо орденсэ. Чавовсь 1943 иестэ боевой заданиянь топавтомсто. Куломадо мейле казезь Британской империянь 4-це степенень орденсэ союзникень венчтнень идемаст кисэ. Видяевень лемсэ лемдязь Мурманск енкссо поселка.

видяев1

Tags: федор видяев, эрзянь цера
Subscribe
  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments